Kurti po i bën gati dy penda për ujë rezervë (VIDEO)

Qeveria e Kosovës po parasheh ndërtimin e dy digave për akumulim të ujit, në mënyrë që ky të përdoret gjatë sezonave të thata. Projekti i parë është ajo Firajë-Shtime, si pjesë e rrjetit të Ibër-Lepencit. Ndërsa tjetra pendë planifikohet në Kamenicë, për t'a siguruar ujin e pijes dhe atë për ujitje. Nga këto dy projekte përfitojnë mbi dhjetë komuna, njofton Klan Kosova. Baton Begolli nga Këshilli Ndërministror i Ujrave tregon se këto projekte pritet të fillojnë brenda tri vjetëve, ndërsa marrin edhe tri të tjera për t'u përfunduar. Teksa shpenzimet për to janë kryesisht grante, e pak edhe kredi. Akumulimi i ujit për sezonat e thata ndihmon indirekt edhe kompanitë tjera rajonale të Ujësjellësit. "Stabilizon furnizimin e ujit për qytetet e Lipjanit, Shtimes dhe një pjese të Fushë Kosovës", thotë Sokol Xhafa, kryeshef i KRU "Prishtina". Në marrëveshjen me Bankën Botërore që parasheh digën e Kamenicës, përfshihet edhe krijimi i masterplanit të ri për ujrat, pasi që Kosova aktualisht funksionon me një të vjetër, që nga viti 1982. https://www.youtube.com/watch?v=S8PXc7GDTO0