Kurti numëron të arriturat në fushën e energjisë dhe atë të digjitalizimit

Kryeministri Albin Kurti ka renditur të arriturat e qeverisë përgjatë vitit 2022 në fushat: energji dhe digjitalizim. Postimin e tij ai e ka nisur me Strategjinë për Energji 2022-2031, duke thënë se është miratuar, pa specifikuar që jo edhe në parlament. “Nënshkruam marrëveshje për dy projektet më inovative të energjisë në rajon: Me MCC për ndërtimin e kapaciteteve për rezerva prej 340 MWh (236.7 milionë dollarë); Për ndërtimin e impiantit solar për ngrohje solare prej 50 MW termale, ndër më të mëdhenjtë në Evropë, me BE, KfW dhe BERZh”, ka shtuar ai. Kreu qeveritar ka përmendur  investimet për efiçiencë e energjisë dhe disbursimin e mjeteve për t’i ndihmuar qytetarët dhe bizneset. “Ndamë 6 milionë euro për 10 mijë familje për të subvencionuar pajisjet që do të ulin rreth 70% konsumin e energjisë; Ndaluam përdorimin e energjisë elektrike për mihje të kriptovalutave; Shtrimë rrjetin e Telekomit të Kosovës në komunat në veri të vendit”, ka thënë ai ndër të tjera.