Kurti bashkë me Power shpall ankandin për parkun me energji solare: Hap rrugën për investime

Kryeministri Albin Kurti dhe ministrja e Ekonomisë, Artane Rizvanolli, së bashku me  administratoren e USAID-it, Samantha Power e kanë shpallë ankandin për parkun me energji solare me kapacitet prej 100MW. Kurti tha se ankandi për parkun me energji solare e përmbush çdo hap të vizitonit të tij, raporton Klankosova.tv. “Ankandi i pari i energjisë solar prej 100 MW, përmbushë çdo hap të vizionit tonë. Ky është hapi i parë dhe i rëndësishëm, kushtet janë të mira që të vijnë investitorët. Zhvillimi i Kosovës është atraktiv për investimet e huaja që të na sjellin më shumë investim”, u shpreh Kurti. Ndërkohë, administratorja e USAID-it, Power, tha fillimisht se është kënaqësi që të jetë sërish në Kosovë, teksa shtoi se ky vend ka një të ardhme të ndritur drejt një energjie të së ardhmes. “Nuk mund t’ju them se çfarë kënaqësi është që të jem sërish në Kosovë, e kem mundësin që të lëshojmë diçka kaq të rëndësishëm, për sektorin dhe ekonominë”, tha Poëer. “Vizita deri më tani më ka bërë optimiste për Kosovën ku është duke shkuar, e kam parë sa larg ka shkuar. Kam dëgjuar gjatë këtyre bisedave, një vizion të qartë, Kosova me nje ekonomi, që ofron mundësi nga të gjitha fushat dhe tani është një kënaqësi të jem në lansim të këtij projekti solar”, u shpreh ajo. “Kosova ka një të ardhme të ndritur dhe tani kemi një energji të së ardhmes. Nuk do të kemi shqetësime për mungesë të energjisë. Po ashtu edhe për mbrojtjen e mjedisit që ka ndotur ambientin”. “Fatmirësisht kemi parë zotimin nga udhëheqësit në Kosovë që të bëjnë transferimin energjetik. Që të vendosin qëllime. Që në të ardhmen 40 për qind të jetë nga energjia e ripëtritshme. Ajo shtoi se në vendet fqinje ka parë këto ankande që kanë rritur besueshmërinë te bizneset, dhe pret që ky ankand do të ndihmojë që të ketë energji me të lirë për qytetarët në Kosovë. /Klankosova.tv. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS