Kundërshtimi i bizneseve: Liberalizimi i tregut përfundon në gjykatë (VIDEO)

Hapi i parë i kundërshtimit ishte mbledhja e firmave që deri tashti u bë nga mbi 300 operatorë. E pos peticionit, bizneset kosovare kanë në plan të rrisin presionin edhe më tej për ta kundërshtuar daljen në treg të hapur për furnizim me energji nga 1 qershori. Për vendimin e Zyrës së Rregullatorit të Energjisë, po bëjnë gati edhe padi. Këta kërkojnë pezullim për 1 vit të dekretit për përgatitje ose subvencionim nga qeveria, por jo sikur masat e paralajmërua nga Ministria e Ekonomisë. Kundërshtimet rriten pasi, sipas këtyre, as sistemi i transmetimit e as tregu i furnizimit nuk është gati. Bizneset kërkojnë hetim nga organet e drejtësisë për ngutinë e tyre që të liberalizohet tregu i energjisë për bizneset me mbi 50 punëtorë e 10 milionë qarkullim. Këta alarmojnë se nga ky vendim i ZRRE-së do të ketë dëmtim biznesesh, falimentim prodhuesish e rritje të kostos për familjet kosovare. https://www.youtube.com/watch?v=9AfEjTEOpGw