Ish-kandidatja për kryetare të Komunës së Deçanit nga radhët e PSD-së, Natyra Kuçi, ka folur rreth çështjes së Gjykatës Speciale, dhe deklaratave të kryeministrit në detyrë, Albin Kurtit, për themelimin e saj.
Në “DPT te Fidani” në Klan Kosova, Kuçi pohoi se Kurti e ka pasur me të drejtë kur ka deklaruar se Gjykata Speciale nuk duhej të themelohej.
Megjithatë, sipas saj, kryeministri në detyrë nuk e ka pasur me të vërtetë këtë deklaratë, dhe veprimet pas saj, transmeton Klankosova.tv.
“Unë mendoj që atëherë Kurti e ka pasur mirë, edhe kur ka folur për Gjykatën Speciale qysh nuk është dashur me u bë, por Kurti në momentin që i ka ardh mundësia me nënshkru për zhbërjen e Gjykatës Speciale, bile me tregu vullnetin, nuk e ka bë. Edhe në këtë rast, Kurti e ka pasur mirë në opozitë por si duket nuk e ka pasur përnjëmend, dhe këtu është problemi”, tha Kuçi në Klan Kosova.
https://www.youtube.com/watch?v=YTxL1V-9M1c
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
