Shërbimi Spitalor Klinik dhe Universitar ka njoftuar se ka përfunduar intervenimi kirurgjik i 5-vjeçarit nga Janjeva e Lipjanit, i cili rrezikonte amputimin e shputave, pasi dyshohet se është keqtrajtuar nga prindërit.
Bëhet e ditur se vogëlushi i është nënshtruar intervenimit të nevojshëm kirurgjik në nivel të shputave nga ekipet specialistike të Ortopedisë dhe Kirurgjisë Plastike, transmeton Klankosova.tv.
Intervenimi thuhet se është realizuar sipas indikacioneve mjekësore, ndërsa theksohet se gjatë procedurës kirurgjikale gjendja e pacientit ka qenë stabile.
“Pas përfundimit të intervenimit, pacienti është transferuar në Kujdesin Intensiv Pediatrik, ku po vazhdon trajtimin, mbikëqyrjen dhe përkujdesjen e mëtejme postoperatore”, thuhet në njoftim.
https://klankosova.tv/5-vjecari-nga-lipjani-neser-ne-operacion-rrezikon-amputimin-e-shputave/
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
