Kryeministri indian i kërkon Zelenskyt që të ulet për bisedime me Rusinë për t'i dhënë fund luftës

Kryeministri indian, Narendra Modi i ka kërkuar presidentit ukrainas, Volodymyr Zelensky që të ulet për bisedime me Rusinë për t'i dhënë fund luftës.

Modi i tha Zelenskyt se do të vepronte si një mik për të ndihmuar në arritjen e paqes, derisa të dy udhëheqësit u takuan në Kiev.

Kryeministri indian tha se kishte ardhur në kryeqytetin ukrainas me një mesazh paqeje, shkruan Sky News,transmeton Klankosova.tv.

"Rruga drejt zgjidhjes mund të gjendet vetëm përmes dialogut dhe diplomacisë dhe ne duhet të ecim në atë drejtim pa humbur kohë. Të dyja palët duhet të ulen së bashku për të gjetur një rrugëdalje nga kjo krizë”.

"Dua t'ju siguroj se India është e gatshme të luajë një rol aktiv në çdo përpjekje drejt paqes. Nëse mund të luaj personalisht ndonjë rol në këtë, do ta bëj. Dua t'ju siguroj si mik”, është shprehur ai.