Kryediplomati hungarez thotë se do të votojnë kundër rezolutës për Srebrenicën

Hungaria do të votojë kundër rezolutës për Srebrenicën, tha sot në Budapest ministri i Punëve të Jashtme dhe Tregtisë i Hungarisë Peter Szijarto.

Në konferencën për shtyp, pas takimit me presidentin e Republikës Sërpska, Milorad Dodik, Szijarto theksoi se rezoluta me dashje apo padashje siç tha ai “demonizon gjithë popullin serb për tragjedinë në Srebrenicë”.

"Bosnja dhe Hercegovina ka bërë hapa seriozë në rrugën e integrimit evropian. Në mars, u vendos që të fillojë procesi i negociatave për anëtarësimin në BE. Është e rëndësishme që të gjitha entitetet dhe popujt në Bosnjë të japin kontributin e tyre”, tha Sijarto, raportojnë mediat serbe, transmeton Klankosova.tv.

Sesioni i Asamblesë së Përgjithshme të Kombeve të Bashkuara ku do të shqyrtohet rezoluta për Srebrenicën është caktuar për 23 maj.

https://klankosova.tv/asambleja-e-okb-se-per-rezoluten-per-srebrenicen-caktohet-per-23-maj/