"Krim lufte", OKB reagon për sulmin ndaj shkollës iraniane të vajzave

Të paktën 165 persona u vranë dhe dhjetëra të tjerë u plagosën të shtunën nga ajo që Irani e quan një sulm ajror në një shkollë vajzash në jug të vendit. Ushtria izraelite tha se nuk ishte në dijeni të sulmeve në zonë, ndërsa ushtria amerikane tha se po i shqyrton ato. Shefi i të drejtave të njeriut i OKB-së bëri thirrje për një hetim, transmeton Klankosova.tv Ravina Shamdasani, zëdhënëse e Zyrës së Komisionerit të Lartë të Kombeve të Bashkuara për të Drejtat e Njeriut, tha se sulmi ajror “shkatërrues” mund të përbëjë një krim lufte. Kjo nëse zbulohet se ka synuar civilët ose është përdorur pa dallim në një mënyrë që shkon kundër ligjit ndërkombëtar. "Fëmijë, vajza të vogla, në mes të ditës së shkollës, në fillim të ditës së shkollës, duke u vrarë në këtë mënyrë, me çanta shpine me njolla gjaku mbi to", shtoi Shamdasani. /Klankosova.tv