Krasniqi takon kryetarët e dhjetë komunave me shumicë serbe

Ministri i Administrimit të Pushtetit Lokal, Elbert Krasniqi është takuar me kryetarët e dhjetë komunave me shumicë serbe. Në takim, ai tha se Qeveria dhe ministria që ai drejton janë të gatshme të ofrojnë ndihmën dhe mbështetjen e nevojshme për zgjedhjen e problemeve të cilat janë me interes për qytetarët. “Ky takim i sotëm është një nga forumet për komunikim e koordinim me komunat, përfshirë atë ku bëjnë pjesë 38 komuna, si platformë më e mirë për komunikim e koordinim ndërmjet nivelit qëndror dhe atij local”. “Takimet e radhës me agjenda konkrete e të detajuara do të vazhdojnë, në interesin më të mirë të qytetarëve të Republikës, përmes bashkëpunimit të nivelit qendror dhe atij local”, shkroi ai në Facebook, transmeton Klankosova.tv.