KQZ refuzon rinumërimin e votave me postë dhe të atyre që u shpallën të pavlefshme

Komisioni Qendror i Zgjedhjeve sot e ka mbajtur mbledhjen e radhës. Në këtë mbledhje, është refuzuar rekomandimi i Sekretariatit për rinumërim të votave me postë, e të atyre që u shpallën të pavlefshme. Pas këtij vendimi, u ankua anëtarësi i Vetëvendosje. Alban Krasnqi, tha se kjo përbën çështje penale. Pas kësaj pati përplasje me anëtarë të tjerë të KQZ-së, shkruan Ekonomia Online transmeton Klankosova.tv Rekomandimi i Sekretariatit ishte që të hapeshin 177 vendvotime për vlerësim të votave të pavlefshme, bazuar në vendimin e Panelit Zgjedhor për Ankesa dhe Parashtresa. Në këto vendvotime ishin 1 mijë e 631 fletëvotime që ishin shpallur të pavlefshme.