KQZ-ja e BeH-së ia heq mandatin Dodikut

Në seancën e sotme të 39-të, Komisioni Qendror Zgjedhor i Bosnjës dhe Hercegovinës (KQZ-ja e BeH) miratoi një vendim për revokimin e mandatit të Presidentit të Republikës Sërpska Millorad Dodik, pas konfirmimit të vendimit përfundimtar të Gjykatës së BeH-së. Ky vendim u miratua unanimisht. Në seancë, anëtari i KQZ-së Suad Arnautoviq tha se ky është një vendim deklarativ, pasi do të bëhet i formës së prerë vetëm pasi të ketë kaluar afati i apelimit, i cili mund të zgjasë një ose dy muaj për shkak të dokumentacionit. Prandaj, nëse vendimi i Gjykatës së Apelit konfirmohet, atëherë pritet të shpallen zgjedhje të parakohshme brenda 90 ditëve, raporton N1, transmeton Klankosova.tv. KQZ-ja më parë kërkoi zyrtarisht dorëzimin e vendimit në Gjykatën e BeH-së, sepse pa një dokument zyrtar nuk mund të fillojë në mënyrë të vlefshme procedurën për revokimin e mandatit. Pas marrjes së vendimit, Komisioni ka një afat ligjor prej maksimumi 15 ditësh për të vepruar, ndërsa për zgjedhjet e parakohshme, përcaktohen afate deri në 90 ditë nga përfundimi i mandatit. Vehid Shehiq, ish-anëtar i KQZ-së, konfirmoi se procedura filloi menjëherë pas konfirmimit të vendimit dhe theksoi se nëse Dodiku figuron në listën zgjedhore, kjo nuk do të lejohet dhe KQZ-ja e BeH do ta refuzojë atë. Ai paralajmëroi se, edhe nëse Dodiku refuzon të pranojë vendimin dhe të zbatojë kërkesat e Gjykatës së BeH, paraburgimi është i mundur për mosrespektim të pasojave ligjore të vendimit. Duke pasur parasysh se Dodiku ka treguar në disa raste se nuk do të japë dorëheqjen nga posti i Presidentit të RS pavarësisht vendimit përfundimtar, dhe e konfirmoi këtë me një mesazh të fshehtë në rrjetin X në të cilin shkroi një orë para vendimit të KQZ-së. Dodik u dënua me një vit burg me një vendim përfundimtar dhe iu dha një masë sigurie prej gjashtë vitesh ndalimi për të mbajtur postin e Presidentit të Republikës Sërpska. Ai nuk mund të mbajë më asnjë post ligjor. /Klankosova.tv