Kosovari Valdrin Haliti në listën e Apple, identifikon lëshime të gjigantit teknologjik

Emri i 22-vjeçarit kosovar, Valdrin Haliti figuron në listën e gjigantit teknologjik Apple për identifikimin e gabimeve tek serverët e kësaj kompanie. Ai është në listën e gjatë të emrave nga mbarë bota. Për punën e Halitit dhe të tjerëve kjo kompani ka shprehur falënderim, transmeton KlanKosova.tv. “Apple publikon këtë artikull për të shprehur mirënjohje dhe për të falënderuar ata që kanë raportuar çështje potenciale të sigurisë në serverët tanë. Merita vjen pasi këto çështje janë identifikuar dhe adresuar”, shkruan në faqen e Apple. Edhe vetë Haliti duke konfirmuar figurimin e emrit të tij te lista e identifikuesve të gabimeve, ka treguar se emri i tij do të shfaqet prapë. “Së shpejti, do të shfaqet emri im përsëri edhe për një korrigjim tjetër që ka ndodhur për shkak të hulumtimeve dhe raportimeve që i kam bërë në faqen e Apple. Që të dyja këto evidentime nga unë, do të mbesin të shfaqura përgjithmonë në uebfaqen zyrtare të Apple”, ka shkruar ai. [caption id="attachment_2289110" align="alignnone" width="505"] Valdrin Haliti, kosovari në listën e Apple për identifikim të gabimeve[/caption]