Lajmet e fundit
Një rast i çuditshëm i ndodhi një 32-vjeçarit nga Kosova.
Ai po dyshohet se ka kryer një vjedhje të rrallë mbrëmjen e 28 janarit, në Kroaci.
Ngjarja ka ndodhur në Trgovacka Umag, raportojnë mediat kroate përcjell Klankosova.tv
Kosovari dyshohet se ka marrë qindra euro nga një bankomat, por kjo si shkak i pakujdesisë së një gruaje 31-vjeçare.
Gruaja sipas raportimit të mediave kroate nuk e kishte kryer deri në fund transaksionin.
Më saktësisht, ajo nuk e ka konfirmuar shumën e deponuar të parave, ndaj kartelat kanë mbetur në “gjumë”.
Burri nga Kosova u arrestua të premten nga policia kroate, pasi viktima e kishte denoncuar rastin në polici se i kishin humbur paratë.
32-vjeçari kishte tentuar ta kalonte kufirin me Serbinë.
“Policët gjatë punës operative në terren kanë zbuluar identitetin e autorit dhe kanë nisur kërkimin për të, dhe më 14 prill rreth orës 22:55 është arrestuar nga punonjësit e Policisë Vukovar-Srijem teksa ka tentuar të kalojë kufirin me Serbinë në pikën kufitare Bajakovë”, njoftoi policia kroate përcjell Klankosova.tv
I njëjti kishte qëndruar ilegalisht në Kroaci, prandaj atij i është lëshuar edhe një urdhër i dëbimit/ Klankosova.tv
