“Kosovari” i NBA shënon 41 pikë, pa asnjë treshe

Ylli i NBA, slloveni Luka Donçiq, i cili ka prejardhje nga Kosova, ka regjistruar një “rekord” të cuditshëm, në ndeshjen që ekipi i tij, Dallas Mavericks e humbi nga Washington Wizards, 125 me 127, mëngjesin e së mërkurës. Ai shënoi 41 pikë dhe befasia në këtë është se në gjithë këta poena nuk kontribuoi me asnjë trepikësh, transmeton Klankosova.tv. Ky është një rast i rrallë që një lojtar i NBA-së, kap kaq shumë pikë, pa 3-she. Në fakt, është super rast i rrallë që Donciq nuk regjistron kësi koshi në një ndeshje ku arrin 40 e më shumë poena. Kundër Ëizards tentoi 4 herë për të dështuar në të gjitha përpjekjet. Nga 41 pikët që dha, Donçiq qëlloi 16 herë për 2 poena dhe 9 herë nga vija e gjuajtjeve të lira, transmeton Klankosova.tv.