Kosova me shtatë garues në Kampionatin Europian në atletikë

Kombëtarja e Kosovës në atletikë e përbërë nga shtatë atletë, tre femra dhe katër meshkuj, do ta përfaqësojnë vendin tonë në edicionin e tretë në Kampionatin Europian të shteteve në zhvillim që do mbahet në San Marino që nis nga data 05.06.2021. Në këtë garë janë paraqitur gjithsej 200 atletë nga 15 vende të ndryshme si: Shqipëria, Andora, Armenia, Qiproja, Gjeorgjia, Gjibraltari, Lihtenshtejni, Luksemburgu, Moldavia, Maqedonia e Veriut, Malta, Mali i Zi, Monako dhe San Marino njofton Klan Kosova. Atletët kosovarë që do të paraqiten në Kampionatit Evropian do të jenë: Muhamet Ramadani në disiplinën e hedhjes së gjyles Musa Hajdari në disiplinën 800m Astrit Kryeziu në disiplinën 800m Erudit Rysha në disiplinat kërcim gjatësi dhe kërcim lartësi Gresa Bakraçi në disiplinën 3000m Albina Deliu në disiplinën 800m Lirije Peci në disiplinën 800m Teksa përfaqësuesen e Kosovës në atletikë do ta drejtojë selektori Bajram Duja me trajnerët Zijadin Kryeziu dhe Xhavit Tahiri.