Kosova drejt zgjedhjeve: LDK heq dorë nga takimet me VV-në, sytë kah PDK-ja

Pas 53 ditësh përpjekjesh të vazhdueshme për të gjetur një zgjidhje lidhur me presidentin e vendit, Kosova duket se po shkon drejt zgjedhjeve të reja parlamentare të parakohshme. Këtë të hënë, kryeministri Albin Kurti dhe kreu i LDK-së, Lumir Abdixhiku, u takuan për herë të fundit në tentativë për të arritur një konsensus për zgjedhjen e presidentit. Megjithatë, mundi i tyre nuk rezultoi i suksesshëm, pasi nuk arritën të arrijnë një marrëveshje, raporton Klankosova.tv. Më të përfunduar takimi i tyre, Abdixhiku deklaroi se LDK e konsideron të përmbyllur këtë proces dhe se nuk do të ketë më takime me Lëvizjen Vetëvendosje për shefin e shtetit. https://klankosova.tv/ldk-i-mbyll-diskutimet-me-kurtin-per-presidentin-abdixhiku-ska-me-takime111/ “U dakorduam që të mos takohemi më, dhe s’kemi pse të takohemi sepse i harxhuam 53 ditë, s’patëm zgjidhje, prapë të takohemi edhe një herë e të flasim për president të Vetëvendosjes nuk ka kuptim. Prej këtij momenti, LDK-ja e konsideron të mbyllur këtë çështje”, u shpreh Abdixhiku. Nga ana tjetër, kryeministri Kurti, para mediave, bëri të ditur se çfarë oferte i kishte bërë kryetarit të LDK-së, e cila u refuzua nga ky i fundit. “E falënderoj Abdixhikun për bashkëpunimin mirëpo në të njëjtën kohë më duhet të konstatoj që bisedimet rezultuan të pasuksesshme për shkak se asnjëra prej ofertave nuk u pranua nga kreu i LDK-së. Fillimisht ne ofruam që LDK-ja në bashkëqeverisje me VV-në dhe partnerët e tjerë që i kemi ne, ta këtë zëvendëskryeministrin, Ministrinë e Punëve të Jashtme dhe tri ministri të tjera. Kam preferuar që zëvendësi im të bëhet Abdixhiku”, deklaroi shefi i qeverisë. https://klankosova.tv/ldk-refuzoi-te-gjitha-ofertat-kurti-preferova-qe-abdixhiku-te-behet-zevendesi-im111/ Tani, roli i Partisë Demokratike të Kosovës bëhet kyç, për çka kryeministri theksoi se i ka dërguar një mesazh kryetarit të kësaj partie, Bedri Hamzës. “I dërgova mesazh Bedri Hamzës dhe le ta shohim se çka është e mundur që të ecim përpara, propozimi unë që u refuzua nga LDK-ja ka qenë ekskluzive për LDK-në”, u shpreh Kurti, njofton Klankosova.tv. https://klankosova.tv/takim-me-pdk-ne-kurti-i-dergova-mesazh-hamzes-propozimi-i-sotem-vec-per-ldk-ne/ Tashmë mbetet të shihet nëse do të arrihet një marrëveshje mes partisë në pushtet dhe partisë më të madhe opozitare për të gjetur një rrugëdalje për zgjedhjen e presidentit./Klankosova.tv