Koalicioni i Ramës me PDK-në, “çështje për diskutim” në mbledhjen e kryesisë së LDK-së

Ish-shefja e Grupit Parlamentar të Lidhjes Demokratike të Kosovës, Jehona Lushaku-Sadriu, ka bërë të ditur se në mbledhjen e kryesisë së partisë, e cila pritet të nisë pas pak, do të diskutohet edhe koalicioni i Përparim Ramës me Partinë Demokratike të Kosovës në kryeqytet. E pyetur nëse ky koalicion do të jetë pjesë e diskutimit, ajo u përgjigj shkurt: “Të gjitha këto janë tema partiake që do të diskutohen”, njofton Klankosova.tv. Kryetari i Prishtinës, Përparim Rama njoftoi sot përmes një postimi në Facebook se do të nisë bashkëpunim politik me PDK-në në kryeqytet. Ai tha se ky bashkëpunim po ndodh për të mirën e qytetarëve të Kosovës. https://klankosova.tv/perparim-rama-po-fillojme-bashkepunimin-me-pdk-ne-ne-prishtine/