“Kosova dhe Shqipëria në të ardhmen, më afër apo më larg njëra-tjetrës”, libri më i ri nga Nexhmedin Spahiu (VIDEO)

Në Institutin Albanologjik të Kosovës është përuruar libri më i ri i politikologut Nexhmedin Spahiu, me titull, “Kosova dhe Shqipëria në të ardhmen, më afër apo më larg njëra-tjetrës”. Autori përmes  këtij librit vë në pah dhe analizon marrëdhëniet ndërmjet dy shteteve. Spahiu pati disa kritika për institucionet dhe ndikimin që kanë mbi këtë çështje. “Kjo është fatkeqësia më e madhe që e ka Kosova në sistemin shkollor, arsimi nuk e ofron një patriotizëm të kohës, por brezat tonë tani edukohen njësoj siç jemi edukuar ne, por harrojmë që në kohën kur jemi edukuar ne Kosova nuk ka qenë shtet e tani është shtet”, ka thënë Spahiu, njofton Klan Kosova. Ky është libri i 11 i publikuar nga historiani, Nexhmedin Spahiu. Kronikë nga Arjeta Sinani. https://www.youtube.com/watch?v=yyT9kHYgkUg&t=1s