KOS-CERT tregon se si të veproni nëse hasni në problemin global të sigurisë kibernetike

Njësia Nacionale KOS-CERT, që ka rolin kyç në ruajtjen e sigurisë se rrjeteve dhe shërbimeve të komunikimeve elektronike në Republikën e Kosovës, është në dijeni për një incident masiv që afekton sistemet e Microsoft Windows që kanë të instaluar mjetin e sigurisë Crowdstrike Falcon EDR. Sipas tyre, ky incident duket se shkakton Blue Screen of Death (BSOD) gjatë ristartimit të sistemit operativ Microsoft Windows, transmeton Klankosova.tv. “Në rast të këtij problemi, sipas udhëzimeve teknike të proklamuara deri më tani, është e nevojshme që të fshihen fajllat “C-00000291*.sys” nga direktoriumi “C\Windows\System32\drivers\CrowdStrike” në Safe Mode”, thuhet në njoftimin e tyre, se si të veproni nëse hasni në këtë problem.