Kontrabandimi me 80 mijë kilogramë duhan, shtyhet seanca ndaj 13 të akuzuarve

Sot në Gjykatën Themelore në Prizren është mbajtur seanca ndaj 13 të akuzuarve për kontrabandimin e 80 mijë kilogramëve duhan. Kjo seancë është shtyer diku një orë pas fillimit të seancës. Kështu ka deklaruar për Klankosova.tv zëdhënësi i kësaj gjykate Marcel Lekaj. "U caktua rishtazi një seancë tjetër, por më saktësisht do t'ju informoj nesër lidhur me arsyet e kësaj shtyerje dhe për datën e orën kur u caktua e reja", tha ai. Klankosova.tv merr vesh se arsyeja e shtyerjes është mungesa e dëshmitarëve - zyrtarëve policorë. Më 17 maj, Dogana e Kosovës kishte njoftuar për përfundimin e operacionit "Katrani", që kishte nisur në vitin 2018-të. Ndaj 13 personave iu ishte ngritur aktakuzë për kontrabandim me 80 mijë kilogramë duhan. Kjo e kishte dëmtuar buxhetin me 3 milionë euro, transmeton Klankosova.tv https://klankosova.tv/kontrabanda-me-duhan-demtoi-buxhetin-me-3-milione-euro-aktakuze-ndaj-13-personave/