Konfiskohen rreth 100 kilogramë drogë, Qavolli: Do të kërkojmë caktimin e paraburgimit për të dyshuarit

Një operacion i madh policor u zhvillua sot nga Antidroga e Policisë së Kosovës dhe Prokuroria Themelore e Pejës, në fshatin Raushiq. "Kalaja" prangosi dy persona të dyshuar, të cilët janë ndaluar për 48 orë. Aty u gjet dhe konfiskua rreth 100 kilogramë drogë e llojit marihuanë. Rreth këtij rasti ka folur për Klankosova.tv prokurori i rastit Ersan Qavolli. "Është shkatërruar një laborator i drogës. Operacioni është zhvilluar në Raushiq të Pejës dhe kemi zhvilluar kontrolla edhe në Barilevë. Janë 213 bimë, në gjendje të ndryshme, disa prej tyre e gatshme dhe tjerat në formë të bimëve duke u terur", tha ai. Qavolli njoftoi se në këtë aksion janë konfiskuar edhe katër vetura. Ai njoftoi se nesër do të bëhet edhe kërkesa e caktimit të masës së paraburgimit për personat e dyshuar. Për rastin më herët njoftoi edhe Policia e Kosovës. https://klankosova.tv/konfiskohen-rreth-100-1kilograme-droge-ne-pranga-dy-persona/