Komuna e Prizrenit ka filluar për herë të parë të kryej teste rapide për COVID-19.
Kështu ka bërë të ditur kjo komunë në një njoftim për media.
“Qytetarët e komunës së Prizrenit tanimë do të mund t’i kryejnë këto teste në Qendrën Kryesore të Mjekësisë Familjare dhe në Qendrën e Mjekësisë Familjare në Bajram Curr, duke e marrë rezultatin me 98,8% saktësi brenda 10 minutave”.
https://www.facebook.com/kkprizren/posts/1517801478420784
Njoftimi i plotë:
Për herë të parë në nivel të Republikës së Kosovës, nga sot Komuna e Prizrenit ka filluar me realizimin e testeve të shpejta (rapide) antigjen për Covid-19 në shëndetësinë primare.
Qytetarët e komunës së Prizrenit tanimë do të mund t’i kryejnë këto teste në Qendrën Kryesore të Mjekësisë Familjare dhe në Qendrën e Mjekësisë Familjare në Bajram Curr, duke e marrë rezultatin me 98,8% saktësi brenda 10 minutave.
Po ashtu, një ekip tjetër lëvizës përmes “kujdesit shtëpiak” të ofruar nga Komuna, do t’i realizojë këto teste tek shtëpitë e pacientëve që nuk mund të shkojnë në qendrat e lartëcekura të mjekësisë familjare.
Me këtë rast, kryetari i Komunës së Prizrenit, Mytaher Haskuka, deklaroi se ndjhet i lumtur që përveç këtyre testeve, shëdetësia primare e Komunës së Prizrenit, tanimë ka kompletuar pakon e shërbimeve për Covid-19, duke i realizuar:
Testet e D-Dimer-it,
Rentgenin e mushkërive,
Analizat tjera të nevojshme dhe
Testet serologjike.
Po ashtu, kryetari Haskuka, deklaroi se shpreson që Kosova të mos hyjë në valën e tretë të pandemisë, por nëse ndodh një gjë e tillë, Komuna e Prizrenit tani është gati për t’u përballur me të.
Nga ana tjetër, drejtoresha e Drejtorisë së Shëndetësisë, Narqize Arënliu-Hoxhaj pohoi se këto teste do të kryhen në bazë të udhëzimeve të mjekëve të institucioneve shëndetësore.
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
