Lajmet e fundit
“Shtetasit shqiptarë, ashtu si edhe ata të gjithë Ballkanit Perëndimor dhe më tej, kanë shqetësime legjitime mbi rritjen e çmimit të karburantit dhe ushqimeve”.
Ky është qëndrimi i Komisionit Evropian, pas protestave të ditëve të fundit në qytete të ndryshme të Shqipërisë, si pasojë e rritjeve të çmimeve pas shpërthimit të konfliktit ushtarak në Ukrainë.
Duke iu referuar edhe arrestimeve të disa protestuesve dhe qëndrimeve kritike të qeverisë ndaj protestave, Komisioni nënvizoi se ”mbajtja e standardeve të BE-së sa i përket të drejtës për t’u mbledhur paqësisht, si dhe mbrojtja e grupeve më të prekura, janë kërkesa të domosdoshme dhe monitorohen me vëmendje. Të gjitha palët duhet të ruajnë qetësinë dhe vetëpërmbajtjen”, thuhet në përgjigjen e saj ndaj pyetjeve mbi këtë çështje.
Komisioni shtoi se rritja e çmimeve vjen si pasojë e agresionit rus ndaj Ukrainës dhe jo nga sanksionet ndaj Moskës dhe vlerësoi hapat e Tiranës zyrtare për të monitoruar çmimet bazë me disa komisione të posaçme./A2
