Kombëtarja i rikthehet stërvitjeve për ndeshjen me Kroacinë

Kombëtarja Shqiptare është rikthyer sot në stërvitje, me përzgjedhësin Sylvinho që ndau grupin e kuqezinjve në dy pjesë. Lojtarët që u aktivizuan si titullarë në duelin e së shtunës përballë Italisë, kanë punuar në palestër. Ndërkohë, pjesa tjetër ka kryer rreth 60 minuta përgatitje tekniko-taktike në kuadër të duelit ndaj Kroacisë. Shqipëria rikthehet në fushë të mërkurën e 19 qershorit me fillim nga ora 15:00 për takimin e dytë në Grupin B, të Euro 2024. “Kuqezinjtë” do të sfidojnë Kroacinë në “Volksparkstadion”, të Hamburgut, stadium ky me një kapacitet prej 57 mijë tifozësh.