Klan Kosova transmeton faljen e Fitër Bajramit nga xhamia “Haxhi Ibrahim Devolli” në Pejë

Muaji i madhëruar i Ramazanit po përmbyllet sot, duke shënuar ditën e fundit të agjërimit për besimtarët myslimanë. Një ditë pas, nesër, kremtohet festa e Fitër Bajramit. Klan Kosova vazhdon traditën e përcjelljes së atmosferës festive në shtëpitë e shikuesve, duke transmetuar drejtpërdrejt ceremoninë e faljes së Bajramit nga Xhamia “Haxhi Ibrahim Devolli” në Pejë. Transmetimi nis nga ora 05:00 dhe do të shoqërohet me një program special me ilahitë e interpretuara nga ilahisti Egzon Ibrahimi së bashku me grupin e tij. Namazi i Fitër Bajramit do të falet në orën 06:18. Gëzuar festën e Fitër Bajramit!