"Kjo na dërgon thuajse në një finale të vogël në Serbi", Gjimshiti për fitoren ndaj Letonisë

Kapiteni Berat Gjimshiti ka folur për Artmotion pas fitores së Shqipërisë ndaj Letonisë 1:0 në kualifikimet për Kupën e Botës. “Fitore shumë e rëndësishme. pjesa e parë shumë e mirë, e dyta pak më e dobët, mirëpo gjëja më e rëndësishme në futboll janë tre pikët. Dhe besoj që kjo na dërgon thuajse në një finale të vogël në Serbi. Jemi shumë të lumtur me këtë pozitë që jemi tani. Jemi gati për ndeshjen e radhës”, ka thënë Gjimshiti për Artmotion, përcjell Klankosova.tv. Ai po ashtu adresoi huqjen e tij para portës pothuajse të zbrazët, e që ua pamundësoi Kuqezinjve avantazhin e dyfishtë. “Fatkeqësisht gabova. Kisha shumë kohë për të menduar se ku ta gjuaj topin dhe aty gabova. Shpresoj që do të vijë në ndeshjet e radhës”, tha kapiteni i Kuqezinjve, Berat Gjimshiti “Sigurisht që i pres në stadium. Gjithmonë kam thënë se tifozët tanë janë më të mirët tanë. Atmosferën që na e sjellin edhe jashtë ku jemi, shpresoj që do të i shohim sa më shpejt”.