Kina i përgjigjet ShBA-së gjatë vizitës së Putinit, e quan "hipokrite dhe të papërgjegjshme"

Ndërsa presidenti rus Vladimir Putin u prit në takim të enjten nga homologu i tij kinez Xi Jinping, Kina gjithashtu shfrytëzoi rastin për të kundërpërgjigjur ShBA-në.

ShBA, pretendon se Pekini po ndihmon Rusinë në luftën e saj kundër Ukrainës.

Zëdhënësi i Ministrisë së Jashtme kineze Wang Wenbin akuzoi ShBA-në si "hipokrite dhe të papërgjegjshme" për akuzën e Kinës për eksportimin e materialeve me përdorim të dyfishtë që mund të ndihmonin prodhimin e armëve të Rusisë.

Ai shtoi se fajësimi i Kinës "nuk do t'i japë fund krizës dhe as nuk do ta nxjerrë SHBA-në nga situata e saj e ndërlikuar".

"Ajo që ka ndodhur tregon se ata që ushqejnë flakët do të zhyten gjithnjë e më thellë në të, dhe zgjidhja politike është e vetmja rrugë e drejtë përpara për t'i dhënë fund krizës në Ukrainë", tha ai, raporton BBC, transmeton Klankosova.tv.