Kina bëhet eksportuesi i parë në botë i veturave, kalon Japoninë

Kina thotë se është bërë eksportuesi i parë në botë i veturave pasi ka kaluar Japoninë në tremujorin e parë të vitit. Të dhënat zyrtare të lëshuara javën e kaluar tregojnë se Kina ka eksportuar 1.07 milionë vetura gjatë tre muajve të parë të vitit. Kjo përbën ngritje prej 58 përqind krahasuar me çerekun e parë të vitit 2022, raporton BBC, transmeton KlanKosova.tv. Në të njëjtën kohë, Japonia zuri të eksportojë 954 mijë e 185 vetura, apo gjashtë përqind më shumë se në vitin e kaluar. Eksportet e Kinës u shtuan pas kërkesës për vetura elektrike dhe shitjes së tyre në Rusi. Gjatë vitit të kaluar Kina kishte kaluar Gjermaninë, duke u bërë e dyta në botë për eksportim veturash. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.