Kimmich: Ishte dramë, por besuam deri në fund

Bayern Munich ka siguruar një kualifikim të madh në gjysmëfinale të Ligës së Kampionëve, pasi eliminoi Real Madrid në një përballje spektakolare që përfundoi 4-3 në ndeshjen e dytë. Mesfushori i bavarezëve, Joshua Kimmich, foli pas ndeshjes për dramën e madhe që shoqëroi këtë duel. “Ishte shumë dramë. Natyrisht, nuk e nisëm ndeshjen ashtu siç donim. Por në pjesën e parë ndjemë se avantazhi ishte me ne sa më shumë kalonte loja. Ia vlejti që besuam deri në fund”, u shpreh ai për DAZN. Ndeshja ishte një nga më të bukurat e sezonit, me Realin që kaloi tri herë në epërsi dhe Bayernin që reagoi çdoherë. Në fund, goli vendimtar erdhi në minutat e fundit, duke vulosur një kualifikim të merituar për gjermanët. Bayerni tregoi karakter të jashtëzakonshëm dhe forcë mentale, duke mos u dorëzuar në asnjë moment përballë një kundërshtari si Reali, për të siguruar një vend në mesin e katër skuadrave më të mira të Evropës. /Klankosova.tv