Khloe Kardashian shkon me një fans në mbrëmjen e maturës

Khloe Kardashian e ka bërë realitet ëndrrën e një fansi të saj të madh. Në moshën 34 vjeçare, ylli televiziv më në fund ka shkuar në mbrëmjen e saj të parë të maturës – krejt kjo falë ftesës që ka marrë nga një fans. Kardashian ka shoqëruar fansin e saj Narbeh në mbrëmjen e maturës të Hoover High School në Glendale të Kalifornisë. “Mbrëmja ime e parë e maturës ku unë kisha shoqëruesin më të mirë ndonjëherë. Ne u argëtuam shumë. Sa i bukur është shoqëruesi im?”, ka shkruar Kardashian në Twitter. https://twitter.com/khloekardashian/status/1135014424350035968?ref_src=twsrc%5Etfw%7Ctwcamp%5Etweetembed%7Ctwterm%5E1135014424350035968%7Ctwgr%5E393039363b636f6e74726f6c&ref_url=https%3A%2F%2Fwww.cnn.com%2F2019%2F06%2F02%2Fentertainment%2Fkhloe-kardashian-fan-prom-trnd%2Findex.html Në ndërkohë fansi i saj ‘i çmendur’ ka postuar disa fotografi me yllin e “Keeping Up With The Kardashians” në Instagram. “Khloe Kardashian është shoqëruesja ime e mbrëmjes së maturës. Po ndjehem jashtëzakonisht i lumtur”, ka shkruar ai në postimin e tij ku ka bashkangjitur disa fotografi. https://www.instagram.com/p/ByJ3WNwFp9Z/?utm_source=ig_embed Narbeh  menaxhon llogaritë e fansave të familjes Kardashian në Twitter dhe Instagram. Llogaria e tij në Instagram që i dedikohet familjes së famshme ka mbi 240.000 ndjekës. Çifti kanë kaluar në ritualet e zakonshme të mbrëmjes së maturës duke përfshirë realizimin e fotografive para se të shkojnë në mbrëmjen e maturës, vendosja e lules në dorë dhe të tjera. Madje, Kardashian e ka takuar edhe familjen e Narbeh. Narbeh kishte takuar edhe më herët Kardashian në vitin 2018 dhe të dy shkëmbejnë kohë pas kohe mesazhe online, përfshirë edhe rastet kur ylli televiziv ia uron ditëlindjen.