Khalid po planifikon koncert përfitimesh për viktimat në El Paso

Khalid po planifikon një koncert për familjet e viktimave në qytetin e tij të lindjes, El Paso, Teksas, transmeton Klan Kosova. Këngëtari 21 vjeçar zbuloi planet e tij të hënën në vazhdën e ngjarjes së tmerrshme. “Gjatë ditëve të kaluara, mendja dhe zemra ime ka qenë keq. Dëgjimi, shikimi i një akti të terrorizmit të ndodhë aq afër shtëpisë, familjes dhe miqve të mi ka qenë e pabesueshme dhe tronditëse”, shkroi ai në rrjete sociale. “Gjatë këtyre ditëve unë kam menduar për mënyra për të ndihmuar dhe mbështetur qytetin. Po planifikoj një koncert përfitimesh gjatë këtij muaji. Të gjitha të ardhurat do të shkojnë për familjet e prekura nga të shtënat”, shtoi ai. 22 persona mbetën të vdekur dhe shumë të tjerë u plagosën pas një sulmi në një qendër tregtare të shtunën në El Paso.