“Këto vite ishin të vështira për familjen tonë", djali i Hashim Thaçit: Faleminderit secilit që na qëndroi pranë

Ish-presidenti i Kosovës, Hashim Thaçi, një ditë më parë dha fjalën e tij përfundimtare para Dhomave të Specializuara të Kosovës në Hagë, ku deklaroi se është i pafajshëm dhe hodhi poshtë akuzat e Zyrës së Prokurorit të Specializuar. Pas kësaj, përmes një postimi në instastory,  djali i tij, Endrit Thaçi, ka falënderuar të gjithë për mbështetjen gjatë këtyre viteve, duke shkruar se ka qenë periudhë e vështirë për familjen. “Këto vite ishin të vështira për familjen tonë. Faleminderit secilit që na qëndroi pranë, miqve, qytetarëve, institucioneve, avokatëve dhe mediave që nuk heshtën. Respekt pa fund!”, thuhet në postimin e tij. /Klankosova.tv