Këto skuadra përballen gjatë fundjavës në Superligë

Qe shtatë ndeshje rresht, Ferizaj nuk ka arritur fitore. Këtë do ta kërkoj të shtunën në Superligën e Kosovës në futboll, që përball do ta ketë Drenicën. Ferizaj – Drenica do të transmetohet direkt në kanalin Sport 2 në Artmotion nga ora 13:00. Në të njëjtin termin Malisheva e pret Trepçën ’89 dhe transmetohet në Sport 3. Në pesë ndeshjet e fundit, të dyja këto skuadra kanë bilanc të njëjtë, një fitore, dy barazime e dy humbje. Të dielën, në Klan Kosova dhe në Sport 1 nga ora 13:00 do të transmetohet përballja mes Gjilanit dhe Dukagjinit. Skuadra nga Klina ka bilanc të mirë në pesë ndeshjet e fundit ku ka arritur tri fitore, kurse Gjilani vetëm një. Derbi tjetër i të dielës zhvillohet në Podujevë. Llapi – Drita ishte paraparë të zhvillohej të shtunën, porse u shty për të dielën nga ora 13:00, dhe do të shkoj direkt në Sport 2. Drita është lidere e Superligës me 30  pikë, kurse Llapi është në vendin e gjashtë me vetëm 13 pikë nga 12 ndeshje. Ballkani – Prishtina është shtyrë në afat të pacaktuar. /klankosova.tv