Këto janë qytetet më ‘seksi’ në botë (FOTO)

Nëse jeni duke kërkuar për pushime me partnerin tuaj, por nuk e dini ende se ku, mos kini frikë, qytetet më seksi në botë janë zbuluar, transmeton Klan Kosova. Një studim i realizuar nga Big 7 Travel sapo kurorëzoi Miamin si qytetin më seksi në botë. Ndërmarrja ndërkombëtare e udhëtimit përdori të dhëna nga e gjithë bota për të dalë me listën e shkurtër, duke përfshirë fushat që kanë nivelet më të larta të aktivitetit seksual, ato që bëjnë më 'kërkimet seksuale' në internet dhe qytetet më të mira për njerëzit beqarë. Miami zuri vendin e parë – por jo për plazhet e saj. Të dhënat sugjeruan se “jeta e gjallë e natës” e qytetit dhe “kultura e pasur” ishin arsyet e renditjes së saj. Çuditërisht, Parisi zë vendin e dytë. Kuzhina, vera dhe pamjet e bënë atë një nga qytetet më romantike për t’u vizituar. Denver në shtetin amerikan të Kolorados pasoi në vendin e tretë. Ndërsa Kopenhaga u rendit e katërta, falë lexuesve të Big 7 Travel që renditin danishten si kombësinë e dytë më seksi në botë. Cape Town zuri vendin e pestë, për shkak të hulumtimeve që tregojnë se Afrikanët e Jugut u renditën e treta globalisht për numrin më të madh të kërkimeve të Google për lodra seksi. Cyrihu në Zvicër erdhi në vendin e gjashtë, ndërsa Cap d’Agde në Francë u rendit i shtati, transmeton Klan Kosova.