Këto janë përfitimet shëndetësore nga ngrënia e qershive

Qershitë janë një nga frutat më të shëndetshme! Një filxhan, ose rreth 21 qershi, përmban më pak se 100 kalori dhe 15% të nevojave tuaja ditore për vitaminë C. Por më poshtë do të shihni disa arsye të tjera pse ky frut është kaq i shëndetshëm. Qershitë janë plot me antioksidantë Qershitë janë një burim i fuqishëm i antioksidantëve dhe komponimeve anti-inflamatore. Kështu, ato ngadalësojnë plakjen dhe parandalojnë sëmundjet kronike, duke përfshirë sëmundjet e zemrës, kancerin, sëmundjen e Alzheimerit, diabetin dhe obezitetin. Mbrojnë nga diabeti Efektet anti-inflamatore të qershive ndihmojnë në mbajtjen e trupit tuaj të shëndetshëm, por përveç kësaj, qershitë renditen më poshtë se shumë fruta në indeksin glicemik. Kjo do të thotë që ato nuk shkaktojnë luhatje të papritura në nivelet e sheqerit në gjak dhe insulinës. Kjo i bën ato mbrojtëse kundër diabetit, ndërsa janë të rëndësishme për menaxhimin e gjendjes nëse e keni tashmë. Promovojnë gjumë të shëndetshëm Qershitë e tharta në veçanti janë një nga burimet e pakta të melatoninës, një hormon që ndihmon në kontrollin e cikleve gjumë-zgjim. Një studim tek burra dhe gra me pagjumësi zbuloi se, krahasuar me një placebo, 200 ml lëng qershie të thartë në mëngjes dhe një deri në dy orë para gjumit, rriti kohën e gjumit me një orë e 24 minuta. Zvogëlojnë rrezikun e sulmeve të podagrës Mbi tetë milionë të rritur në SHBA vuajnë nga përdhesi. Kjo sëmundje shkaktohet kur acidi urik kristalizohet brenda nyjeve, duke shkaktuar dhimbje dhe ënjtje. Në një studim, pacientët me përdhes që konsumuan qershi për vetëm dy ditë (si fruta të freskëta ashtu edhe lëng qershie) kishin një rrezik prej 35% më të ulët për të zhvilluar përdhes, krahasuar me ata që nuk hëngrën qershi. Ato ulin kolesterolin Hulumtimet kanë treguar se pirja e lëngut të qershisë së thartë mund të ndihmojë në uljen e kolesterolit total, duke përfshirë llojin “e keq”, të njohur si LDL. Kjo është thelbësore sepse çdo ulje prej 1% e kolesterolit zvogëlon rrezikun e sëmundjeve të zemrës me 2%. Dhe LDL e lartë është veçanërisht shqetësuese në lidhje me rrezikun e atakut në zemër.