Këtë të mërkurë mësohen 32 skuadrat e Champions League

Mrekullia e quajtur Champions League vazhdon edhe sonte (e mërkurë) në platformën më të pasur dhe ekskluzive në vend, Artmotion. Tri super ndeshje nga faza ‘Playoff’ e kompeticionit më eminent në kontinentin evropian do të zhvillohen mbrëmjen e sotme teksa që të gjitha do të transmetohen live dhe ekskluzivisht në kanalet e Art Sport duke filluar nga ora 21:00. Dueli kryesor i mbrëmjes do jetë ai mes Shakhtar Donetsk dhe Monaco që do të transmetohet në Art Sport 1 nën komentimin e Lirim Pecit. Ndeshjen e parë e kishte fituar Shakhtari në Francë kurse këtë herë misioni do jetë shumë i vështirë për skuadrën e Monacos që shpreson rikthimin e madh. Ndeshja që do të transmetohet në Art Sport 2 është ajo mes Brondbyt dhe Red Bull Salzburg, ndeshja e parë u fitua nga austriakët me rezultatin 2-1 mirëpo çdo gjë mbetet e hapur për këtë përballje të kthimit. Kjo ndeshje do të komentohet nga Naim Selmani. Art Sport 3 është i rezervuar për duelin mes Dinamo Zagreb dhe moldavëve të Sheriff Tiraspol të cilët janë shumë afër kualifikimit për herë të parë në fazën e grupeve të Champions League, kjo pasi ndeshjen e parë e kanë fituar me rezultat të thellë 3-0. Engjëll Bërbatovci do të komentoj këtë ndeshje.