Këtë pamje kishin Maldivet para turizmit masiv (FOTO)

Maldivet tani janë ndër vendet e preferuara të njerëzve në mbarë botën, me ujëra të kaltra, rërë të bardhë me shkëlqim dhe si vend shumë luksoz. Por besoni apo jo ka qenë një kohë kur Maldivet nuk ishin vendet më joshëse në botë, shkruan CNN, transmeton Klankosova.tv Kur Mohamed Umar dhe tre shokët e tij hapën vendpushimin e parë turistik atje që quhej “Kurumba” në 1972, vizitorët duhej të hidheshin në ujë deri në bel për të shkuar në plazh. Vizitorët e parë ishin kryesisht gazetarë dhe fotografë nga Italia. Derisa, sot ka më shumë se 100 vendpushime të shpërndara në më shumë se 1,200 ishuj. Kurumba, që do të thotë "kokos" në gjuhën lokale në Maldive, ishte fillimisht një fermë e pabanuar e kokosit, kurse tani ajo ka të gjitha kambanat e pritshme të një vendpushimi luksoz në Maldive. Strehimet e para për mysafirët u bënë në korale dhe gur gëlqeror. Çdo gjë që nuk rritej në vend duhej të sillej me anije dhe mund të duhej deri në tre muaj për të mbërritur. Gazetat mbërrinin me muaj vonë dhe shërbimet e tjera ishin vështirë të realizueshme. Para turizmit, kishte vetëm rreth dy banorë në ishullin ku Kurumba tani është vend luksoz. Maldive duket më shumë si një arratisje prej një vendi në një tjetër teksa tani këta ishuj konsiderohen si ndër vendet më tërheqëse në botë, dhe presin vizitor gjatë gjithë vitit.