Këta janë tetë çerekfinalistët e Champions League (VIDEO)

Chelsea dhe Bayern Munich janë skuadrat e fundit që kanë siguruar biletat për në fazën çerekfinale të Ligës së Kampionëve. Londinezët, pas fitores 0:1 në Spanjë, ka triumfuar 2:0 në Angli kundër Atletico Madridit. Golat e fitores dhe të rezultatit të përgjithshëm 3:0 i shënuan Hakim Ziyech në minutën e 34-të dhe në fund Emerson. Atletico luajti me një lojtar më pak nga minuta e 82-të, Stefan Savic u përjashtua me të kuq. Fitore ka arritur në ndeshjen e dytë edhe Bayerni, që e mundi 2:1 Lazion e Vedat Muriqit, për t’u kualifikuar në çerekfinale me rezultat të përgjithshëm 6:2. Në sfidën e kthimit në Allianz Arena, Robert Lewandowski dhe Choupo-Moting shënuan për Bayernin, derisa Parolo realizoi për Lazion. Chelsea dhe Bayerni i janë bashkuar në çerekfinale Portos, Borussia Dortmundit, Liverpoolit, PSG-së, Man Cityt dhe Real Madridit. Shorti do të hidhet të premten në ora 12:00. https://www.youtube.com/watch?v=FNIkzGscuWE&ab_channel=POUTCHIE https://www.youtube.com/watch?v=byjRhs4ROBA&ab_channel=GoalsOfTheDay