Këshillat e IKSHPK-së se si të mbrohemi nga gripi sezonal

Instituti Kombëtar i Shëndetësisë Publike të Kosovës, ka dhënë disa këshilla se si të mbrohemi nga gripi sezonal. IKSHPK-ja e cilëson atë si sëmundje akute infektive. Disa prej këshillave janë: të lahen duart shpesh me ujë dhe sapun, të mbulohet goja dhe hunda kur kollitemi ose teshtimë, të shmangim kontaktin e ngushtë me persona të sëmurë, të qëndrojmë në shtëpi nëse jemi të sëmurë, transmeton Klankosova.tv. Ndër rekomandimet e tjera janë që të ushqehemi shëndetshëm dhe të pimë shumë lëngje e po ashtu që të vaksinohemi çdo vit kundër gripit sezonal. Tutje, sipas këtij instituti, gripi sezonal te një numër i konsideruar i rasteve shkakton komplikime serioze shëndetësore, veçanërisht te fëmijët, te të moshuarit dhe ata me sëmundje kronike.