Kërkohej ndërkombëtarisht për trafikim droge, i dyshuari arrestohet në Lezhë

Një 28-vjeçar i identifikuar si Kristo Biba, i shpallur në kërkim ndërkombëtar, është arrestuar nga policia në Lezhë. Ai u arrestua në Shkënkoll në kuadër të megaoperacionit “Sundimi i ligjit”, me qëllim ekstradimin në Spanjë, raporton Policia e Shtetit, përcjell Klankosova.tv. Gjykata e Tarragonës, Spanjë, me vendimin e datës 28.05.2024, i ka caktuar Bibës, masën e sigurisë “Arrest në burg”, për veprën penale “Trafikimi i lëndëve narkotike”, parashikuar nga Kodi Penal i Spanjës. Interpol Tirana dhe Interpol Madrid po bashkëpunojnë për të kryer ekstradimin e të dyshuarit.