Kërcënimi me sulm i Iranit, Trump: Më mirë mos ta bëjnë, do t'i godasim me forcën që s'është parë asnjëherë

Presidenti Donald Trump, e ka paralajmëruar Iranin që të mos sulmojë, sepse siç thotë ai Shtetet e Bashkuara të Amerikës do të godasin me një forcë që nuk është parë kurrë më parë. “Irani deklaroi se do të godasë shumë fort sot, më fort se kurrë më parë. MË MIRË TË MOS E BËJNË KËTË, SEPSE NËSE E BËJNË, NE DO T’I GODASIM ME NJË FORCË QË NUK ËSHTË PARË KURRË MË PARË! Faleminderit për vëmendjen tuaj ndaj kësaj çështjeje!”, u shpreh shefi i Shtëpisë së Bardhë transmeton Klankosova.tv. Deklarata e Trumpit vjen pasi Garda Revolucionare Islamike, paralajmëroi se do të sulmojë bazat amerikane dhe Izraelin në shenjë hakmarrjeje për vdekjen e liderit suprem iranian Khameneit, shkruan BBC transmeton Klankosova.tv. “Operacioni më shkatërrues ofensiv në historinë e forcave të armatosura të Republikës Islamike të Iranit do të nisë drejt territoreve të pushtuara dhe bazave terroriste amerikane brenda pak çastesh”, thuhej në deklaratën e publikuar disa orë më parë. Shtetet e Bashkuara të Amerikës dhe Izraeli kanë goditur me sulme ajrore Iranin në më shumë se 20 provinca, duke vrarë të paktën 200 persona. Liderët e ShBA-së dhe Izraelit janë zotuar se do t’i vazhdojnë sulmet deri në zhdukjen e programit bërthamor iranian, teksa zyrtarët e të dyja shteteve kanë shpallur vrasjen e liderit suprem iranian Ali Khamenei. Irani është kundërpërgjigjur duke sulmuar Izraelin dhe bazat amerikane në rajon. Fuqitë evropiane kanë dënuar përshkallëzimin teksa kanë kërkuar zgjidhje diplomatike.

“Iran just stated that they are going to hit very hard today, harder than they have ever hit before. THEY BETTER NOT DO THAT, HOWEVER, BECAUSE IF THEY DO, WE WILL HIT THEM WITH A FORCE THAT HAS NEVER BEEN SEEN BEFORE! Thank you for your attention to this matter!” - President… pic.twitter.com/w8uwRA1x5R

— The White House (@WhiteHouse) March 1, 2026