Kërcënime nga Irani? Gashi: Rreziku është real, shqiptarët ndër krye-mbështetësit e ShBA-së (VIDEO)

Ambasada e ShBA-së në Tiranë ka paralajmëruar për një rrezik të mundshëm nga grupe të lidhura me Iran, të cilat mund të kenë në shënjestër opozitën iraniane në Shqipëri apo edhe subjekte të lidhura me ShBA-në. Lidhur me këtë çështje, Arbër Gashi nga "Lëvizja e Deçanit",  ka deklaruar se ekziston rrezik real, duke e lidhur këtë me pozicionin e shqiptarëve si mbështetës të fortë të ShBA-së në rajon. Në emisionin “Kosova Today” në Klan Kosova, ai tha se kjo situatë nuk është e papritur. “Trojet shqiptare konsiderohen, sidomos shqiptarët janë konsideruar mbështetësit më të mëdhenj të ShBA-së në Evropën Jugore dhe tani që shqiptarët janë target, kjo nuk e habit askënd, të them të drejtën. Rreziku është gjithmonë prezent dhe këto zhvillime me të cilat do të ballafaqohemi tash e pas do të jenë prezente, deri kur ne të arrijmë që ideologjia jonë kombëtare mbi segmentet e tilla të cilat mund të rrezikojnë jo vetëm identitetin, por edhe sigurinë kombëtare brenda shteteve tona", tha ai. /Klankosova.tv  https://youtu.be/1j2f1KF1iWU