Kennedy ndalon 500 milionë dollarë të fondeve federale për zhvillimin e vaksinave

Departamenti i Shëndetësisë dhe Shërbimeve Njerëzore i ShBA-së do të anulojë kontratat dhe do të tërheqë fondet për disa vaksina, aktualisht në zhvillim e sipër, për të luftuar viruset e frymëmarrjes si gripi dhe COVID-19. Udhëheqësi i departamentit, Robert F. Kennedy Jr. njoftoi në një deklaratë të martën se mbi 30 projekte, me një total prej afërsisht 500 milionë dollarësh (432 milionë euro), për të zhvilluar vaksina duke përdorur teknologjinë e acidit ribonukleik të dërguar (mRNA) do të ndalen, raporton Euronews, transmeton klankosova.tv. Vendimi i Kennedyt për të ndërprerë projektet dhe për të tërhequr financimin e tyre është i fundit në një seri vendimesh për të goditur imunizimin. Kritiku i zëshëm i vaksinave prej kohësh ka tërhequr rekomandimet për vaksinat kundër COVID-19, ka shkarkuar panelin që bën rekomandime për vaksinat dhe ka refuzuar të ofrojë një miratim për një vaksinë mes një shpërthimi të përkeqësuar të fruthit. /Klankosova.tv