Kendall Jenner uron të dashurin pas fitores në Lojërat Olimpike

Kendall Jenner ka uruar të dashurin e saj, Devin Booker, pas fitores së Medaljes së Artë nga ky i fundit në Lojërat Olimpike në Tokyo. Modelja e njohur e ka uruar basketbollistin, pasi ai dhe ekipi i basketbollit të SHBA-së mposhtën Francën në “Saitama Super Arena”, duke përfunduar kështu në vendin e parë në turneun e basketbollit për meshkuj. Megjithëse ajo nuk përdori fjalë për të përshkruar krenarinë dhe mbështetjen e saj, Jenner thjesht ia bashkëngjiti një emoji me medalje fotografisë që e kishte bërë në ekran në të cilën shihej ylli i Phoenix Suns duke festuar në fushë bashkë me skuadrën 12-anëtarëshe amerikane, shkruan People, përcjell Klankosova.tv. Booker shënoi dy gjuajtje të lira dhe luajti gjithsej 22 minuta në këtë ndeshje. Jennner dhe Booker u lidhën për herë të parë në prill të vitit 2020, por ata nuk e bënë zyrtare lidhjen e tyre në Instagram deri në ditën e Shën Valentinit.