Lajmet e fundit
Gazetari, Adriatik Kelmendi përmes një lidhjeje direkte nga Izraeli në kufi me Gazën, ka sjellë informata dhe pamje për zonat e shkatërruara nga lufta.
Ai në emisionin Ora Shtatë të Klan Kosovës, tha se komuniteti që banon në zonën e Kibbutz Beerit, po ia del të mbijetojë, njofton Klankosova.tv.
“Dje Hezbollahu ka hyrë më së thelli në territorin e Izraelit, por ne jemi në pjesën tjetër të Izraelit, në pjesën ku ka ndodhur festivali dhe ku ka ndodhur masakra. Ky komunitet këtu e ka përditshmëri që të sulmohen, por që janë të gatshëm të mbrohen”.
“Shtëpitë janë të shkatërruara nga sulmet me minahedhës. Këtu ka mbetur vetëm një komunitet i vogël, që ky vend të mos harrohet. Megjithëse shumica janë strehuar në vendet adekuate”, tha Kelmendi për Ora Shtatë.
Kelmendi pas pak do të shkojë dhe në vendin ku ka ndodhur masakra në Festivalin Nova, njofton Klankosova.tv.
“Ndërkaq më pas kanë filluar sulmet izraelite ndaj Hamasit, ku bilanci i të vrarëve në Gaza deri tani është mbi 40 mijë persona, ndërsa 1700 vrasje regjistrohen në Izrael”, tha tutje Kelmendi.
