Lajmet e fundit
Gazetari Adriatik Kelmendi është paraqitur direkt nga vendi ku ndodhi dita famëkeqe e 7 tetorit në Izrael, pikërisht në Festivalin e muzikës Nova.
Nga atje, Kelmendi tregoi si po organizohet përgatitja për shënimin e njëvjetorit të sulmit të Hamasit, që deri tash ka marrë rreth 1700 jetë njerëzish, njofton Klankosova.tv.
“Po paraqitem afër kufirit me Gazën, në vendin që nga shumëkush është vlerësuar që mund t’i kushtojë botës luftën e tretë botërore. Këtu më 7 tetor të vitit të kaluar ka ndodhur masakra në të cilën mbetën të vrarë 1200 qytetarë izraelitë, dhe 250 të tjerë u rrëmbyen”, u shpreh ai, njofton Klankosova.tv.
“Pra ky është vendi ku është mbajtur Festivali Nova aty ku filluan sulmet në mëngjesin e asaj dite, ku në 60 vende të ndryshme kishte pasur depërtim nga pjesa e Gazës, që ndodhet 4 ose 5 kilometra prapa meje. Fillimisht hynë duke vrarë 400 persona që ishin pjesëmarrës të festivalit”.
“Këtu janë duke u bërë përgatitje për të shënuar përvjetorin e parë të kësaj masakre, që më pas ngjalli reagimin izraelit, i cili tash sipas OKB-së, kalon 40 mijë persona të vrarë në pjesën e Gazës”, tha Kelmendi.
Ai tregoi dhe pamje nga mënyra si po kujtohen të rënët, me nga një fidan të mbledhur dhe me fotot e të vrarëve, njofton Klankosova.tv
