Një 52-vjeçar e ka goditur me sopatë në kokë, një 33-vjeçar, në një lokal në Kavajë të Shqipërisë.
Viktima u dërgua në Spitalin e Traumës për mjekim më të specializuar, ndërsa i dyshuari u arrestua nga policia shqiptare.
Ndërsa ngjarja thuhet se ka ndodhur për motive të dobëta, raporton Tvklan.al, transmeton Klankosova.tv.
I arrestuar ka mbetur edhe pronari i lokalit, për veprat penale "Përkrahje e autorit të krimit, dhe organizim i lojrave të fatit në kundërshtim me ligjin”.
Sipas policisë, pas konfliktit në lokalin e tij, pronari ka prishur vendin e ngjarjes, ndërsa kur është marrë në pyetje nga policia, ka deklaruar se viktima ishte dëmtuar pasi ishte rrëzuar nga shkallët.
Gjatë kontrollit në telefonin e pronarit, policia ka gjetur të hapura faqe që shërbejnë për lojëra fati.
●●●
EISHKRIMI NGA
Ermir Istrefi
Editorial nga Klan Kosova — ndjek lajme dhe zhvillimet e tjera kryesore të vendit.
