Lajmet e fundit
Katie Holmes, e cila për më pak se një javë do të bëhet 40 vjeçare, është parë rrugëve të New Yorkut e veshur me një stil shumë të thjeshtë.
Aktorja kishte veshur një palë xhinse, një shall të markës së njohur Fendi, një çantë me ngjyra të ngjashme derisa gjithë pamjen e saj e kishte kombinuar edhe me atletet e markës Gucci, me ngjyrë të kuqe po ashtu.
Holmes kishte veshur edhe një xhaketë lëkurë dhe dorezë ngjyra hiri, transmeton Klan Kosova.
Ajo më pas kishte hequr dorëzat e saj për të mbajtur një filxhan me kafe për të treguar kështu edhe një unazë diamanti në gishtin e saj.
Ajo çfarë binte më shumë në sy ishte se aktorja e njohur gjithë shëtitjen e saj rrugëve të New Yorkut po e bënte duke mos pasë aspak grim në fytyrën e saj.
Më vonë, ish-bashkëshortja e Tom Cruise ishte parë duke blerë disa kartolina për Krishtlindje derisa kishte ndryshuar edhe pamjen, duke veshur kështu sërish xhinse dhe një pallto ngjyrë rozë.
Këtë herë ndryshimi ishte se ajo kishte vendosur edhe grim dhe tashmë kishte veshur edhe çizme me take.
