Katharine McPhee, një nuse e përallave (FOTO)

Katharine McPhee dukej tamam si princeshë në ditën e dasmës së saj. Sot, ylli i “American Idol” e ka kurorëzuar dashurinë e saj me producentin muzikor, 69 vjeçarin David Foster në Londër. Në ditën e saj më të rëndësishme, McPhee ka zgjedhur ta veshë një fustan të bardhë të dizajnuar nga disenjatori amerikan Zac Posen. Aktorja dukej mrekullueshëm në fustanin e bardhë me dekolte shumë të hapur dhe me shumë shtresa të tylit ndërsa në kokë kishte vendosur edhe vellon. Foster i propozoi McPhee në muajin korrik të vitit 2017 me një unazë me gur gjigant nga smeraldi derisa çifti ishin në pushime në Itali. Ata ishin takuar për herë të parë në vitin 2006 kur McPhee ishte konkurrente në sezonin e pestë të “American Idol” derisa Foster ishte mentor në garat e këndimit.